經過大半年無Update個Blog之後，我決定比心機打番好個Blog,haha
無辦法，依家呢份工，實在可以話係一份筍工，準時放工準時出糧，
番工做自己野可以多過做公司野，實在要搵D細藝搞搞

適逢呢排發現由上年六月開始減肥後，原來一年時間已經減左50磅，
雖然係咁，但未達到自己標準前都要減落去。Frighting!!


黎緊呢三日我就會試下琴日處網搵到既香蕉乳酪減肥餐單
呢個餐單聲稱三日減六磅，咁我就即管試下
睇下有無效，係咪真係咁快減到六磅，同埋期間身體有無咩變化唔舒服等等

餐單:

早餐：一隻香蕉，兩杯低脂乳酪，一杯水

午餐：兩隻香蕉，兩杯低脂乳酪，一杯水

晚餐：兩隻香蕉，兩杯低脂乳酪，灼菜任食，一杯水

減肥守則
肚餓時可以食生果或飲水
一個月唔可以食呢個餐單超過3次
每日要飲8-10杯水。

＊我估計呢個餐單短期進行係可以，因為成個餐單都係得香蕉乳酪同菜，營養係好唔均衡。
等我試過再比後感


不過期實呢大半年期間我都試左好幾個放法，食米粉期實都減得幾多，
但都係會營養均衡。

所以仲搵D好既減肥餐囉